|
| 好耐好耐好耐, 都冇打XANGA 啦! 好似唔記得左咁呀! 原來我都有XANGA呀! 以前開XANGA係因為想知道下自己朋友的近況, 但現在又有咩用呀, 我D朋友都唔知去曬邊啦! 依一刻, 我好似冇曬朋友咁呀, 除左你, 石頭先生! 甚麼叫做朋友呀? 唔通一定要主動搵既先叫做朋友呀? 唔知因為D咩原因, 我D朋友好似唔代我係朋友咁, 我D朋友好似疏遠我咁, 我D朋友已經唔再搵我啦! 唔係自己覺得, 就連第三者都發覺了! 我點做先有返D朋友呀? 依幾日心情真係跌到谷底呀, 表面好似冇野咁, 但我真係好辛苦呀! 我條命都生得幾苦呀, 每一次一定會係十幾萬樣事一齊發生令到我心情勁差, 點解會咁呀! 我真係唔識做人呀! | | |
| 2008-07-12 Satursday 人的感覺真係好奇怪呀! 唔知佢係邊黎, 又唔知點解會存在! 尤其係關於愛情既感覺, 完全係唔可以用正常既邏輯去推論呀! 亦都好難用筆墨去形容, 又唔難用口去表達出黎, 總之係怪怪啦! 尤其係曖昧的感覺, 俾到人酸溜溜的感覺, 但有些曖昧的感覺, 我知道係唔可以俾佢有, 俾佢發生呀! 因為再發展落去, 就會影響到好多人啦! 應該要知道, 咩係應該做, 咩係唔應該做! 雖然好多野人係控制唔到, 包括感覺, 但, 有時, 有些東西, 係你一定要控制, 亦包括感覺!! 依個世界雖然有奇蹟, 但有些事, 係唔應該俾佢發生呀! 所以到依一刻, 我一定要控制自己, 唔可以俾自己跌落個死局裡面呀! 講咁耐, 其實對我黎講, 而家最重要既錢, 好似好同事咁講呀, "NO MONEY, NO HONEY"!! 某程度上又幾啱呀! 生活係依個世界裡面, 樣樣野都係講錢啦! 冇錢真係好多野都做唔到, 好多野都冇, 最重要好多人會睇唔起你, 唔係講笑, 我自己親身感受到! 有錢, 你可以咩都有, 有錢, 你可以呼風喚雨, 有錢, 好多人都會俾面你, 所以話, 依個世界, 有錢你話幾重要呢! " 錢唔係萬能, 但冇錢你就萬萬不能啦!!" 你話幾時會搵到我第一桶金, 有自己的樓, 有自己的車, 有自己的男人呢? | | |
| 2008-07-09 星期三 好耐好耐都冇寫blog啦! 因為考完試, 去完旅行, 就日日都係咁返工! 雖然有得放lunch, 不過都係咁hea, 都冇咩心情去寫blog啦! 因為都唔知可以寫d咩, 有咩值得我寫啦! 之前放左d去trip既相上黎, but其實今次個trip冇咩特別開心, 又冇咩唔開心, 係一個好hea既trip! 開心又係咁, 唔開心都係咁啦! 當開心既時候咪大笑一場, 當唔開心既時候咪大哭一場囉! 都唔知道咩叫開心, 咩叫唔開心啦! 今個trip最開心就係可以同connie一齊去啦, 雖然認識佢只有3年短短的時間, 但差不多日日都會見, 感情就係咁築起黎啦! 因為大家都係一個好就得人既人, 咩都冇所謂, 所以有時都幾忟呀, 大家都冇意見的時候, 就會停左係到, 唔知做咩咁啦! 不過anyway同我鍾意既人去左我鍾意既地方, 都係一個開心的事, so多謝connie! 
| | |
| 2008-06-04 Wednesday 7年前的我, 好開朗, 好多野講, 好鍾意笑, 好單純, 好衝動, 好直, 好真, 係一個幾得人寵愛的一個小女孩! 以前我咩都有, 有家人錫, 有長輩錫, 有男朋友錫, 有朋友錫! 係一個好幸福的小女孩! 7年後的我, 已經不多說話, 唔懂得用口去講出自己的感受, 自己的感覺的人! 我已經唔懂得用口說出自己的感受了, 好多時只會用筆或者寫BLOG先懂得講出自己的感受! 咁就覺得別人會明白我! 不過我都總係收左好多心事係心入面, 不識得去表達自己! 感覺好似一無所有了! 可能其實我都唔知道我自己需要D咩, 想要D咩! 沒有方向, 沒有感覺了! 特別你目前E 個moment 我真係唔知道自己應該要點做, 應該要d咩, 應該點樣為將來打算! 以前的我, 會有好多幻想, 有好多夢想, 會想像將來的日子應該會點, 應該要點過! 但夢想終歸夢想, 與事實差太遠了! 曾經得到過, 又全部失去曬, 係我不懂得珍惜, 或是天意弄人呢? 現在的我, 對於一切一切實在太冇信心啦! 我相信一分耕耘, 一分收穫, 但係我做得唔夠好, 或是上天安排呢? 而家我只會覺得, 個天俾野你, 是一份bouns, 無論我點做, 都只會係bouns, 一個恩賜! 因為我知道自己並不是一個幸運的人! 現在的我, 沒有方向, 沒有目標, 只會做一d迫到埋身的事! 因為實在太多世事難料, 你明明安排好, 但一個意外, 會令你改變一切!! 我好想改變自己而家的e 個觀念, 但我沒有那份勇氣, 沒有那份衝勁了!! | | |
| 6月1日 SUNDAY 關於EXAM, 仲有two more to go!! 但冇一個好放心, 好開心, 好安心的心情, 因為擔心卻剛剛開始!!
考試焦慮症尚在, 但考試後遺症就多的是, 分數多少焦慮症, 合格與否焦慮症, 通通都會在考試後出現!! "不求高分, 只求合格"係我近排的口頭禪! 我返唔返到香港就睇今次啦!! e幾日又收到好消息啦! 我的best friend拍拖呀!! 唔知點解, 好似仲開心過自己拍拖咁呀! 有種好奇妙的感覺, 好似自己個囡要嫁咁呀!! 唔知點解會有d咁funny既feeling呢!! anyway佢拍拖真係好高興呀! 希望佢會幸福快樂啦!! and then見到佢地都enjoy佢地自己既工作, 從中得到咁多滿足感, 我都好開心呀! but回想返自己又得到幾多? 自己的將來又會係點呢? 自己將來應該要, and 會搵份咩工呢? 我自己真係唔知道呀! so far, 有好多問我會幾時返香港呀! 我真係唔想答e個question呀! 因為好難答呀, 我怕貨不對板, 當set 定左一個時候之後, 做唔到的話, 咁我要點面對呀? 同一個principle, d人問我考成點呀? 我真係唔知呀! may be i expected is not the real thing! so far so sad!! 過埋e個week, 我就要開始日日返工的日子啦! 幾時先會有我自己想過的生活呀? | | |
|
